Kisitsisitigut paasissutissanik suliaqarneq
Immikkoortuni kisitsisitigut paasissutissat assigiinngitsut saqqummersinneqartut agguarnerat takussutissiami ataaniittumi ersipput. 2014-imi ukiullu siuliini Naatsorsueqqissaartarfiup saqqummersitai immikkuualuttunngorlugit takussutissiorneri nittartakkimi takuneqarsinnaapput.
Takussutissiaq 1. 2010-2014 saqqummersitat amerlassusivii aamma immikkoortut kisitsisitigut paasissutissanik suliaqarfiusut malillugit 2015-imi saqqummersitassatut pilersaarutaasut
2010 |
2011 |
2012 |
2013 |
2014 |
2015 |
|
Ukiumoortumik saqqummersitat .. |
2 |
2 |
2 |
2 |
2 |
2 |
Aningaasaqarneq pillugu kisitsisitigut paasissutissat ...... |
18 |
17 |
21 |
18 |
23 |
24 |
Inuit pillugit kisitsisitigut paasissutissat ............... |
5 |
6 |
9 |
8 |
8 |
8 |
Suliffeqarneq pillugu kisitsisitigut paasissutissat ............... |
7 |
12 |
19 |
23 |
23 |
24 |
Katillugit |
32 |
37 |
51 |
51 |
56 |
58 |
Ukiut siuliinut sanilliullugu 2014-imi saqqummersitat allannguutaat pingaarnerit ataani naatsumik allaaserineqarput.
Nuna tamakkerlugu naatsorsuutit
Inuussutissarsiutit tapersiissutaat 2014-imi nalilersorneqarput. 2014-imi saqqummersitaq 2012-2013-imut kisitsisaagallartunik 2011-mullu inaarutaasumik kisitsisinik imaqarpoq. Taamaalilluni nuna tamakkerlugu naatsorsuutit nalinginnaasumik ingerlalerput, taamaalilluni ukiut marluk siuliinut qaninnernut kisitsisaagallartut ukiumullu ataatsimut (t-3) inaarutaasumik kisitsit ukiut tamaasa suliarineqartalissapput.
Nukissiuutit
Nukissiuutit pillugit kisitsisitigut paasissutissat immikkoortuni arlalinni 2014-imi pitsanngortinneqarpoq. Ilaatigut ukiumoortumik nukissiuutinik atuinernik kisitsineq suliffeqarfinnit 100-niit 150-inut annertusineqarpoq. Polaroilimiit paasissutissat nutaat immami gasoliamik oliamillu orsussamik orsussalersuinerup nutarterneqarneranik kinguneqarput. Naggasiullugu Kalaallit Nunaanni gasoliamik teknikkikkut nalilersuineq Kalaallit Nunaanni immikkut tunisassianut gassitalinnut tunngavik gasoliallu ikumasinnaassusia siullermeerluni ilanngunneqarsinnaalerput.
Takornariaqarneq
Timmisartunut ilaasut nuna angerlarsimaffiat pillugu kisitsisitigut paasissutissat Naatsorsueqqissaartarfiup 2014-imi siullermeerluni saqqummersippaa. Timmisartunut ilaasunut Kalaallit Nunaannit aallartunut nuna angerlarsimaffiat pillugu apeqqutinik kisitsisitigut paasissutissat tunngaveqarpoq. Aasap qaammatai 2014-imut kisitsisitigut paasissutissani pineqarput. Apersuinermik aallartitsinermi annertuumik ajornartorsiuteqarneq pissutaalluni – timmisartunut ilaasut tamarmik aperineqanngillat. Ilimagineqarpoq 2015-imiit ukioq tamaat pillugu kisitsisitigut paasissutissiortoqassasoq, tassanilu ilaasut amerlanerit ilanngunneqassasut.
Akit nalingat
Danmarks Statistikimiit siunnersortimit ikiorneqarluni Danmarkimi aamma Kalaallit Nunaanni atuisunut akit qaffasissusaat sanilliullugu 2014-imi saqqummersitsisoqarpoq. Misissuineq aallaaviatigut ataasiaannarluni saqqummersitsineruvoq, kisiannili suliassamut isumalluuteqarsinnaappat pisariaqartitsineq malillugu saqqummersitseqqittoqarsinnaavoq.
Innuttaasut siunissami amerlassusissaannik naatsorsuineq
Naatsorsueqqissaartarfik piffissami 2040-p tungaanut innuttaasut siunissami amerlassusissaannik paasissutissat 2012-imiit saqqummersittarpai. Innuttaasut siunissami amerlassusissaat pillugu kommuninut agguarlugu siunissamut naatsorsuinermik siullermeerluni imaqarpoq.
Ilinniartitaaneq pillugu kisitsisitigut paasissutissat ISCED2011
Ilinniagaqassutsip qaffasissusia ilinniartitaanerillu ISCED2011 pillugit tunngavik nutaaq Naatsorsueqqissaartarfiup 2014-imi saqqummiuppaa. Tunngavik nutaaq taanna kinguneqarpoq 2014-imi ilinniartitaaneq pillugu kisitsisitigut paasissutissat ilinniakkanut agguarlugu immikkuualunnerusunik imaqarnera.
Suliffissarsiortut
Suliffeqarnerup ineriartornera pillugu sukkasuumik paasissutissaliortoqarnissaanik pisariaqartitsineq iliuuseqarfiginiarlugu suliffissarsiortutut nalunaarsorneqartunik qaammatikkaartumik naatsorsuinerit saqqummersinneqartarput. Suliffissarsiortunik qaammatikkaarlugu kisitsisitigut paasissutissat kvartalikkaarlugit qaammatillu qassit suliffissarsiortuusimanerannik kisitsisitigut paasissutissanik 2014-imi ilaneqarput. Kisitsisitigut paasissutissani nutaani inuit suliffissarsiortut amerlassusaat suliffissarsiortuunermilu piffissap sivisussusaa isiginiarneqarput.
Meeqqat piitsut
Ilaqutariit meerartallit isertitaasa agguarnerisa ineriartornerannik takutitsisunik naatsorsuinernik isertitat pillugit kisitsisitigut paasissutissat 2014-imi ilaneqarpoq.
Suliffeqarneq ilinniarsimanerullu qaffasissusia
Nunat tamat akornanni ILO-p tunngavii aallaavigalugit suliffeqarneq suliffissaaleqinerlu pillugit imminut atasumik kisitsisitigut paasissutissat 2012-imi pilersinneqarpoq. 2014-imi suliffeqarneq pillugu kisitsisitigut paasissutissat suliffeqartut, suliffissaaleqisut inuillu sulisinnaasut avataniittut ilinniarsimassusiisa qaffasissusiannik naatsorsuinernik annertusineqarput.
Piniarneq aalisarnerlu
Aalisarsinnaanermut akuersissutinik nakkutilliisoqarfimmit paasissutissat tunngavigalugit ukiuni 2011-2013 angallatinut agguarlugit tunisat amerlassusaannik 2014-imi kisitsisitigut paasissutissat Naatsorsueqqissaartarfiup siullermeerluni saqqummersippai. Naatsorsuineq ukiut kinguliini ukiumoortumik kisitsisitigut paasissutissanut ilaasassapput.